Советникот за моторспорт на Ред Бул, Хелмут Марко, откри дека заминувањето на Серхио Перез го чинело „многу милиони“ австрискиот тим, но и дека е отстранета посебната клаузула во договорот на Макс Ферстапен за напуштање на тимот.
По четири години, Ред Бул ја прекина соработката со Перез, кој беше со Ферстапен кога освои четири последователни титули, а тимот освои и две конструкторски титули во тој период во 2022 и 2023 година.
Оваа година, со падот на формата на Ред Бул, а подобрите ривали го достигнаа развојот на болидот, лошата форма на Перез дојде до израз и тимот падна на третото место во поредокот за конструктори.
Иако разделбата со Перез не беше објавена до крајот на сезоната, беше јасно дека Ред Бул не може да си дозволи да има толку голем јаз во перформансите меѓу нивните возачи и можноста за 2025 година му припадна на Лиам Лосон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
