Прославениот шпански фудбалер Серхио Рамос е на праг да ја продолжи својата кариера во Мексико. Шпанскиот дефанзивец е слободен играч од ова лето, откако не го продолжи договорот со Севилја.
Иако сите мислеа дека неговата кариера е завршена, тој на 38 години реши да замине за Мексико, каде што доби покана од екипата на Монтереј. Како што пренесува „Мундо Депортиво“, преговорите меѓу двете страни се во тек и доколку ги мине лекарските прегледи ќе биде промовиран како нов играч на мексиканскиот клуб.
На клупата на Монтереј е Мартин Демикелис, кој во Рамос наоѓа засилување по повредата на Карлос Салседо.
Овој клуб моментално е на 13. место во мексиканската Клаусура со три бода по три одиграни натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА