Тешката болест е причината поради која Грег Попович веќе неколку месеци наназад не беше во можност да го води тимот на Сан Антонио, а вечерва беше и официјално објавено дека фантастичниот стратег нема да се врати повеќе на кормилото на „мамузите“.
Тој го водеше овој клуб од 1996 година, освојувајќи пет шампионски титули и развивајќи врвни асови како Данкан, Џинобили, Паркер, Ленард… а последен предивик му беше да направи суперѕвезда од Вембињама.
Тренерската големина на Попович е неверојатна, но сепак неспоредливо помала во однос на онаа на човечката, со која врвниот стратег секогаш импресионираше.
Во тој правец, на денот на неговото пензионирање беа избрани и деветте најлегендарни изјави на Попович дадени во тренерската кариера.
- Ако сакате да ми се допаѓате, донесите ми шише добро вино.
- Не сакам да ме паметат како тренер, туку како некој што им помагал на луѓето да станат подобри луѓе.
- Почитта е поважна од победата. А карактерот е поважен од талентот.
- Ние не тренираме роботи. Грешките се основен дел од учењето.
- Кој некој ве тренира, вие всушност му давате дозвола да ви ја каже вистината. Понекогаш тоа боли.
- Демократијата во екипата не значи дека сите одлучуваат, туку дека сите имаат свој глас. Сепак, постои само еден капетан на бродот.
- Заедништвото не можеш да го купиш, ниту да го нацрташ… Мораш да го живееш.
- Ако играта не ти е во служба на екипата, тогаш си само статистика во празен дрес.
- Кога сите би се однесувале како Тим Данкан, светот би бил подобро место за сите.
Денеска е означен крај на една ера во НБА-лигата, крај на една ера во кошаркарскиот спорт…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
