По победата против Академија Пандев во 3. коло од Првата македонска фудбалска лига, фудбалерите на Ренова комплетно се фокусирани на настапот во квалификациите од Лигата на Европа.
Во четврток од 18 часот „гипсарите“ гостуваат во Ерменија против Алашкерт водени од желбата за квалитетен натпревар и изненадување против фаворизираните Ерменци.
„Натпреварите во Лига Европа се интересени и атрактивни за секој фудбалер. Мислам дека и ние како екипа максимално сме подготвени за овој меч. Владее позитивна атмосфера во тимот, па во Ерменија одиме по добар резултат“ – вели Шефит Шефити пред заминувањето за Ерменија.
Ренова досега во својата клупска историја има само еден пласман во втората рунда натпревари од квалификациите за Лигата на Европа, во сезоната 2012/2013 кога во 2. коло беше елиминирана од белорускиот Гомел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
