Напаѓачот Лајпциг, Бенјамин Шешко начелно се согласил да му се приклучи на Арсенал во летниот преоден рок. Покрај „топчиите“, за 20-годишниот талент се заинтересирани и голем број врвни клубови, меѓу кои Манчестер Јунајтед, Челси и Милан. Сепак, според „Мирор“, самиот Словенец сакал да дојде на „Емирати“ во Лондон.
Менаџерот на Арсенал, Микел Артета сака млад напаѓач кој може да се развива во клубот и би можел да формира тандем со Хаверц. Шпанецот смета дека Шешко е идеалната опција за ова. Агентот на напаѓачот, Елвис Башановиќ, оваа сезона неколку пати во живо ги следеше натпреварите на Арсенал, па комуникацијата меѓу двете страни трае веќе подолго време.
Се очекува „Топчиите“ да платат околу 45 милиони фунти за словенечкиот интернационалец, кој наскоро ќе наполни 21 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
