Македонскиот шампион Шкендија денеска ќе го дознае противникот во 1/16-финалето од Конференциската лига на УЕФА. Од 13 часот во Нион ќе се одржи ждрепката за 1/16-финалето во кое за првпат во историјата и Македонија ќе има свој претставник.
Шкендија првпат во историјата успеа да обезбеди европска пролет за една македонска екипа, запишувајќи огромен успех за себе и за македонскиот клупски фудбал. Но, како што порачуваат од црвено-црниот табор сигурно не планираат да застанат тука.
Во нокаут-фазата, противник на Шкендија во 1/16-финалето ќе бидат екипите на Самсунспор од Турција или Лех Познањ од Полска.
Претставници на Шкендија на ждрепката во Нион ќе бидат спортскиот директор Ардиан Цуцули и членот на извршниот одбор, Валдрин Ука.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
