Шкендија и Шкупи до седмо едноподруго реми, Струга ТЛ продолжува да „гази“, „лавовите“ ги шокираа „пандевци“ (ВИДЕО)

ПМФЛ – 8. КОЛО 
Тетово: ШКЕНДИЈА – ШКУПИ 0-0
Скопје: РАБОТНИЧКИ – ПОБЕДА 1-0
Рушевиќ 30′
Струмица: АК. ПАНДЕВ – МАКЕДОНИЈА ЃП 0-1
Стојкоски 9′
Струга: СТРУГА ТЛ – ТИКВЕШ 2-0
Ибраими 9′, Илиески 88′
УТРЕ (15 ч.)
Скопје: СКОПЈЕ – БРЕГАЛНИЦА
СИЛЕКС е слободен

Без голови дерби пресметката од 8. коло во Првата македонска фудбалска лига меѓу Шкендија и Шкупи во Тетово. Ќатип Османи дебитираше со реми на враќањето на клупата на Шкендија во натпревар во кој неговиот тим можеше лесно да дојде до победата, но Кристијан Наумовски беше одличен на голот на Шкупи.

Две одлични можности имаше Шкендија уште во првото полувреме, но двете „бомби“ од далечина на Егзон Бејтулаи и Клисман Цаке беа умешно одбранети од Наумовски. Ова е и седмо едноподруго реми на двата тима на последните седум меѓусебни натпревари. Последната победа е за Шкендија од 1. декември 2019 година кога во Тетово славеше со 4-0.

Затоа, пак, Струга ТЛ си продолжува со победничкиот од, па дојде и до осмата едноподруго победа на стартот од сезоната, во исто толку дуели, сега со 2-0 против Тиквеш на домашен терен. Стружани поведоа со голот на Бесарт Ибраими уште од 9. минута. Конечните 2-0 ги постави Дарко Илиески со голот во 88. минута од натпреварот.

До изненадувачка победа на гостувањето против Академија Пандев во Струмица дојде и Македонија ЃП.

„Лавовите“ до триумфот дојдоа со феноменалниот гол на Кристијан Стојкоски уште од 10. минута на натпреварот. До крајот „пандевци“ имаа бројни шанси но неколку 100% не искористија Димитар Митровски и Стоилов, но Кристијан Стевковски одлично бранеше на голот спречувајќи израмнување.

Работнички, пак, на натпреварот кој се одигра на тренинг центарот „Петар Милошевски“ во Скопје конечно дојде до победа, со 1-0 против Победа со прекрасната мајсторија на Рушевиќ во 30. минута.

ПМФЛ – 8. КОЛО 
Тетово: ШКЕНДИЈА – ШКУПИ 0-0
Скопје: РАБОТНИЧКИ – ПОБЕДА 1-0
Рушевиќ 30′
Струмица: АК. ПАНДЕВ – МАКЕДОНИЈА ЃП 0-1
Стојкоски 9′
Струга: СТРУГА ТЛ – ТИКВЕШ 2-0
Ибраими 9′, Илиески 88′
УТРЕ (15 ч.)
Скопје: СКОПЈЕ – БРЕГАЛНИЦА
СИЛЕКС е слободен