Шкендија ремизираше на последниот дуел со Тиквеш, но проблем плус за тетовскиот клуб покрај двата загубени бода претставува повредата на Ване Крстевски.
Голгетерот заработи незгодна повреда на скочниот зглоб и мораше на биде изнесен на носилки од теренот, а деталните лекарски прегледи за среќа покажаа дека не станува збор за фрактура или за кинење на лигаментите. Станува збор за повреда на мекото ткиво во пределот на левиот скочен зглоб, а Крстевски веќе ја почнал рехабилитациската програма во тетовскиот прволигаш.
Според првичните прогнози, тој ќе го пропушти дуелот од Купот на Македонија со Шкендија Арачиново, како и следното прволигашко дерби со шампионот Струга ТЛ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
