Македонскиот фудбалски шампион Шкендија славеше на домашен терен против ТНС со 2-1 по продолженија во натпревар од 1. квалификациско коло во Лигата на шампионите.
Шкендија уште во третата минута имаше шанса за 1-0, но Љатифи од непосредна близина иако одлично биеше немаше среќа погодувајќи ја стативата на голот на гостинскиот тим.
И во следниот период продолжи навалата на тетовци, но на висина на задачата беше гостинскиот голман Шеперд кој успеа во една акција трипати да интервенира и да го спаси својот тим од негатива по десет минути.
Гостите првпат се заканија во 13. минута откако Вилсон успеа да ја затресе мрежата на Геј, но поради офсајд неговиот гол беше поништен. Подобрата игра македонскиот шампион ја материјализираше во 18. минута кога најприсебен во противничкиот шеснаесетник беше Тамба кој ја донесе Шкендија до водство од 1-0.
Shkendija 1-0 TNS [1-0 on agg.] – Fabrice Tamba 18'
byu/MeladroitTM insoccer
Во 28. минута Шкендија имаше нова шанса преку Бесарт Ибраими кој луцидно се обиде да го лобува противничкиот голман, но центиметри недостасуваа да ја удвои предноста на тетовци.
И кога се личеше дека Шкендија го контролира мечот по еден карамбол гостите успеаја преку Џордан Вилијамс во 38. минута да израмнат на 1-1.
Shkendija 1-[1] TNS [1-1 on agg.] – Jordan Williams 38'
byu/MeladroitTM insoccer
Во вториот дел и двата тима тргнаа многу повнимателно, па по 75 минути на семафорот се уште стоеја 1-1 од првиот дел. Гостите направија голема глупост фаулирајќи го Фетаи во сопствениот шеснаесетник по што главниот судија покажа пенал за Шкендија во 83. минута. Сепак, по прегледување на ВАР се покажа дека Бесарт Ибраими бил во офсајд, па пеналот беше поништен. До крајот мируваа мрежите, а мечот замина во продолженија.
Шкендија имаше шанса за гол во 114. минута, но Крстевски биеше над голот на противникот. Сепак, Шкендија успеа да стигне до (2-1) со автоголот на Боденам во 117. минута и со тоа да се пласира во 2. коло каде за противник ќе ја има романска ФЦСБ Букурешт.
Shkendija [2]-1 TNS [2-1 on agg.] – Jack Bodenham OG 116'
byu/MeladroitTM insoccer
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
