Се појасно е дека Шкупи за пролетниот дел од сезоната ќе остане без својот најдобар фудбалер, Гамбиецот Дембо Дарбо кој е на мета на бројни европски клубови.
Чаирчани се пред можност да реализираат милионски трансфер, еден од најголемите во историјата на македонскиот фудбал, ако се суди според интересот кој постои за 22-годишниот Дембо Дарбо.
Според последните информации, и покрај огромниот интерес од неколку клубови од Белгија и Холандија, Дарбо е пред преселба во германската Бундеслига од каде до Шкупи е пристигната понуда која тешко се одбива.
Дарбо изминатава полусезона е најдобар стрелец во македонскиот шампионат, постигнувајќи 16 погодоци на 18 натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
