Македонскиот футсал шампион Шкупи со победа над велшкиот Кардиф од 5-0 ги стартуваше квалификациите за Лигата на шампионите.
Агуши донесе водство за шампионот на Македонија во 10 минута. Две минути подоцна Чека зголеми на 2-0, резултат со кој се замина на полувреме.
Во вториот дел Глигоров во 24. минута донесе водство од 3-0, четири минути подоцна Димоски зголеми на 4-0, а конечните 5-0 ги постави Чека со својот втор погодок во 30. минута.
Утре Чаирчани ги очекува меч со андорскиот Енкамп кој денеска во првото коло во групата Б загуби од летонскиот Даугавпилис со 7-3. За потсетување првопласираниот тим од квалификацискиот турнир кој се игра во Скопје ќе обезбеди пласман во групната фаза од елитното европско натпреварување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
