Барселона игра извонредно на ракометните терени ширум Европа оваа сезона, но шансите на каталонскиот гигант за титулата во Лигата на шампионите осетно се намалија со повредата на Ласе Андерсон.
Данскиот бек се повреди за време на саботниот дуел против Висла Плоцк, а деталните прегледи ги потврдија стравувањата дека станува збор за сериозен проблем со коленото, што значи и крај на сезоната за „бомбардерот“ на каталонскиот гигант.
„По тестовите што беа извршени врз Ласе Андерсон, утврдено е кинење на лигаментите на левото колено. Тој ќе биде опериран во најскоро време, по што ќе следи пауза од околу шест месеци од ракометните терени“ – се вели во соопштението на каталонскиот гигант.
Барселона е слободна во осминафиналето од Лигата на шампионите, а во четвртфиналето тимот на нашите Борко Ристовски и Кире Лазаров ќе го има подобриот од двомечот меѓу германските гиганти, Кил и Некар Левен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
