Манчестер Сити направи голем кикс во битката за првото место, откако денеска загуби со 1-2 од Брентфорд. Победничкиот гол беше постигнат во 98. минута, откако Сити тргна на се или ништо во овој меч, а противнападот на гостите даде плод.
Ајван Тони е херој на овој натпревар со два постигнати гола. Првиот го постигна во 16. минута и го донесе Брентфорд во водство. Израмни Фоден во првата минута од судиското надополнување во првиот дел.
Во вториот дел Манчестер Сити се изнапромашува и тешко го ноаѓаше патот до голот, и покрај тоа што Сити играше и со Халанд, и со Алварез и со Де Брујне. Меѓутоа Тони во 98. минута после една убиствена контра, успеа да донесе големи три бода од ова гостување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
