Напаѓачот на Арсенал, Пјер-Емерик Обамејанг е уште еден во низата фудбалери кои се јавуваат со сериозни проблеми со срцето по прележан Ковид-19.
Фудбалскиот сојуз на Габон, пред денешниот натпревар со Гана во Купот на африканските нации, соопшти дека Обамејанг, заедно со Аксел Меје и Марио Ламина имаат срцеви проблеми поради што нема да играат на натпреварот за да не се ризикува.
И тројцата фудбалери изминатиот период прележаа коронавирус и непосредно пред Купот на африканските нации излегоа од изолација.
Од сојузот најавија дополнителни прегледи затоа што делува навистина неверојатно тројца фудбалери да имаат срцеви проблеми.
Денеска и Баерн Минхен објави дека нивниот фудбалер Алфонсо Дејвис има проблеми со срцето по прележан Ковид-19, па и тој извесен период ќе отсуствува од терените.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА