Елмин Растодер имаше свое шоу на гостувањето кај Грасхоперс во 20. коло од швацарската Супер-лига. Тој учествуваше во сите три гола во победата од 1-3 за „цврста“ прва позиција на табелата.
Растодер погоди уште во петата минута, а веќе во деветата минута асистира до Имери и Тун поведе со 0-2. Грасхоперс успеа да намали во 51. минута со автогол, но потоа Растодер во 69. минута запиша уште една асистенција за 1-3.
Македонскиот репрезентативец постигна и уште еден гол во 72. минута, но по асистенција на ВАР му беше поништен, откако беше заклучено дека се нашол во офсајд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
