Македонскиот репрезентативец Енис Барди е во фокусот на вниманието на шпанските медиуми по извонредно одиграната сезона во дресот на Леванте.
Па, сосема очекувано, бројни се и шпекулациите околу неговата иднина. Дури пет клуба досега се спомнуваа како негова можна идна дестинација, секако со најголем фокус на лондонски Арсенал.
Но, покрај Арсенал, како и италијанската Фиорентина, шпанска Севилја, како и Лајпциг и Баер Леверкузен, сега шпанските медиуми пренесуваат дека и Валенсија силно атакува на потписот на Енис Барди. Трансферот во Валенсија не би претставувал никаква промена за Барди кој би останал во истиот град во Шпанија, поради што Шпанците наведуваат и дека е најреален.
Но, околу сето тоа се прашува и Леванте, кој согласно информациите нема да попушти за трансфер на Барди за сума помала од 25 милиони евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
