Вардар како актуелен европски првак има двајца кандидати на скратениот список на ЕХФ за најдобар европски ракометар за 2017 година. Голманот Арпад Штербик и средниот бек Лука Циндриќ се меѓу најсериозните кандидати за големото признание откако со „црвено-црните“ приредија сензација стигнувајќи до европскиот трон. Штербик беше избран за МВП на финалниот турнир, додека Циндриќ играше извонредно цела сезона, воедно постигнувајќи го и голот за победа на полуфиналето против Барселона.
Гласањето ќе трае до 7 јануари, а покрај двајцата „вардарци“, во игра за наградата се уште и Момир Илиќ и Мате Лекаи од Веспрем, потоа Сандер Сагосен од ПСЖ, Хулен Агинагалде од Кјелце, Гонзало Перез де Варгас од Барселона и изненадувачки, Антон Халбек од екипата на Јиштад од Шведска.
Who is your favourite male player 2017?Now the time has come for you to choose your favourite male player of last year.Vote before 7th of January ? Share & Spread your vote.?Vote here?https://t.co/QDKgfbPsU9 pic.twitter.com/AWbW9j2dyl
— EHF (@EHF) January 2, 2018
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
