Пелистер утре од 13 часот во Битола го пречекува Силекс во натпревар од 13. коло во Првата македонска фудбалска лига. Тренерот на „зелено-белите“ Зоран Штерјовски вели дека, по претходните резултати, овој натпревар Пелистер мора да го добие. Токму поради тоа и притисокот е многу голем во редовите на битолскиот прволигаш.
„Натпреварот со Силекс ќе биде тежок за нас бидејќи долго време сме без победа. Притисокот врз нас е голем и воопшто нема да е лесно. Силекс е квалитетен тим, а со победата над Шкендија во Купот сигурно многу добија на самодоверба. На овој меч мора да победиме, а кога е така е најтешко. Мислам дека домашниот терен е мала предност за нас, но веројатно на крајот и само еден гол може да ја направи разликата и да го одлучи победникот. Ќе повторам мора да победиме“, изјави Штерјовски.
Натпреаварот под „Тумбе кафе“ меѓу Пелистер и Силекс е закажан за утре од 13 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
