Лука Модриќ стрелаше на натпреварот помеѓу Хрватска и Италија, но неговата репрезентација сепак не успеа да стигне до трите бода кои ќе и донесеа место во нокаут-фазата на Европското првенство.
Асот на Реал Мадрид од петерецеот го совлада Донарума во 55. минута, но Италија изедначи преку херојот Матија Закањи во осмата минута од судиското продолжение на голема радост на Италијанците.
Овој гол на Модриќ му донесе и ЕВРО рекорд. Со 38 години и 289 денови тој сега е најстариот стрелец на едно Европско првенство надминувајќи го доскорешниот рекорд на Австриецот со хрватско потекло, Ивица Вастиќ.
🚨 𝗥𝗘𝗖𝗢𝗥𝗗: Luka Modrić (38 years and 289 days) becomes the oldest goalscorer in EUROs history ahead of Ivica Vastić (38 years and 257 days). 🇭🇷#EURO2024 pic.twitter.com/uL2uy2YcHx
— Football Tweet ⚽ (@Football__Tweet) June 24, 2024
Модриќ е нов рекордер, но за Хрватска да се најде во разигрувањето за титула на шампионатот на стариот континент потребно е чудо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
