Лионел Меси ги воодушеви своите фанови со еден едноставен но, голем потег. Аргентинската ѕвезда доби подарок од една обожавателка и од него направи амајлија…
Аргентина не го почна најдобро годинашното Светско првенство во Русија, но со победата на последниот натпревар од групната фаза, Аргентинците сепак, успеаја да се пласираат во осминафиналето. И видеото на Меси со еден од аргентинските новинари стана хит на интернет.
Приказната почна по натпреварот со Исланд кој заврши без победник, а новинарот во микс-зоната на Меси му подари црвена лента од неговата мајка, која како што му рече е негов голем фан и го сака повеќе и отколку него. Меси ја зеде лентата и не рече ништо.
По натпреварот со Нигерија кога Аргентина обезбеди осминафинале, Меси во микс-зоната повторно се сретна со „стариот познанинк“. Новинарот го праша дали се сеќава дека му подарил црвена лента. На изненадување на сите, Меси ја подигна ногата и му ја покажа заврзана црвената лента испратена од мајка му, а потоа заврши во прегратката на воодушевениот новинар.
Среќната лента можеби ќе остане на ногата на Меси и во осминафиналето во кое Аргентина ја очекува дуел со Франција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА