Ревија на нерешени резултати на натпреварите во Бундеслигата попладнево. Од четири меча, три завршија без победник.
Штутгарт одигра само 1-1 против Келн на домашен терен, и полека го губи „здивот“ за второто место на табелата, но овој „кикс“ може да ги чини и многу во битката за Лигата на шампионите.
„Швабите“ имаа и предност преку Милот во 53. минута, а Мартел во 62. минута го искористи големиот кикс на одбраната на домашните за да израмни и да „украде“ бод од гостински терен.
Унион Берлин губеше, па водеше, за на крај да одигра нерешено во дуелот со Хаденхајм. Доведан во 3. минута ги шокираше домашните, а Госенс и Шафер до крајот на полувремето донесоа предност за Унон. Бесте во 71. минута донесе бод за гостите.
Вердер Бремен со автогол на Цимерман имаше предност во дуелот со Дармштад. Јустван во 33. минута донесе израмнување. Вердер до крајот на мечот напаѓаше, но не дојде до победа. Дармштад постигна гол во финишот, кој беше поништен поради офсајд.
Борусија Менхенгладбах немаше проблеми со Бохум, и го совлада со 5-2.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
