Ракометарите на Пелистер утре од 18:45 часот ги очекува гостувањето на Фредериција во Данска во Лигата на шампионите, водени од желбата за позитивен резултат против една од најслабите екипи во групата.
Тренерот Звонко Шундовски пред заминувањето за Данска зборуваше и генерално за екипата во која силно верува и која, како што истакна, е составена за да ја освои шампионската титула во домашното првенство но и да освојува бодови во ЛШ.
„Верувам дека имаме добра екипа која во следниот период ќе ги покаже своите вистински вредности и резултати. Оваа екипа е составена, пред се, да го освои домашното првенство, и секако да освојува бодови во Лигата на шампионите“ – вели Шундовски, и дополнува за очекувањата од Данска.
„Фредериција е навистина добар тим. Доволно зборува за каков тим се работи тоа што доаѓа од Данска, една од најголемите светски ракометни сили. Играат модерен, брз, ракомет со доста шутеви од надвор, имаат самодоверба, но ние мора да си ја гледаме само нашата цел. Сите во екипата се максимално мотивирани и со еден вистински пристап кон играта верувам дека имаме шанси за добар резултат“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
