Швајцарската скијачка Корин Сутер триумфираше на женската спуст-трка од Светскиот куп во Солдеу, Андора. Таа до победата стигна со време 1:31,62 минути.
Втора заврши Австријката Нина Ортлајб (+0,11 секунди), а третата позиција ја освои Италијанката Софија Гоџа (+0,24 секунди). Ова е прва победа на Сутер во Светскиот куп по декември 2022 година (кога славеше во супервелеслалом) и нејзино враќање на победничкиот пиедестал по подолг период без врвни резултати.
Швајцарката е олимписка шампионка во спуст од Игрите во Пекинг 2022 година, а ова и е вкупно шеста победа во кариерата во Светскиот куп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
