Ракометарките на Шведска триумфираа против Унгарија со 30-25 во 4. коло од Групата 1 од главната фаза на Европското првенство 2022.
Швеѓанките во текот на целиот натпревар ја имаа контролата на играта и резултатот доаѓајќи до предност уште на полувремето со 18-15. Истиот ритам го одржуваа и во второто полувреме за конечна победа од пет гола разлика.
По овој триумф Шведска сега е со 4 бода на табелата, на делба на третата позиција со домаќинот Словенија. Данките се второпласирани со шест бода и јасно е дека се во предност во однос на Словенија, која во последното коло со триумф над Шведска ќе бара своја шанса за полуфинале.
Од оваа група веќе е познат првиот полуфиналист на Европското првенство, селекцијата на Норвешка која денеска славеше токму против Словенија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
