Најдобрата светска тенисерка Ига Швијонтек не успеа да се пласира во финалето на ВТА 1000 турнирот во Дубаи откако го загуби денешното полуфинале од Ана КАлинската со 0-2 во сетови.
Калинскаја беше избрана за „откровение на 2023 година во женскиот тенис“, а Русинката го оправда овој епитет со ново извонредно издание и прва победа во кариерата против Швијонтек. Полската тенисерка имаше седум победи во серија во пресрет на денешното полуфинале, но не најде одговор за Калинскаја и по 102 минути игра го загуби мечот.
Швијонтек може да жали за големиот пад кон крајот на првиот сет, кога по предноста од 4-2 во гејмови следеше фантастична серија од шест гејма во низа на Калинскаја, која го доби првиот сет со 4-6, потоа поведе со 0-2 и ја задржа предноста до самиот крај.
Таа во финалето ќе се сретне со Италијанката Јасмин Паолини, која неочекувано славеше над Кирстеа со 2-0 во сетови (6-2, 7-6).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
