Втората светска тенисерка Ига Швјонтек од Полска се пласираше во третото коло на Отвореното првенство на САД откако ја победи 66-та светска тенисерка Сузан Ламенс од Холандија во три сета, 6-1, 4-6, 6-4, во второто коло во Њујорк вечерва.
Мечот траеше два часа и седум минути.
Швјонтек шест пати го брејкираше сервисот на холандската тенисерка, додека Ламенс освои четири брејка. Швјонтек ќе игра во третото коло против 29-та светска тенисерка Ана Калинскаја од Русија, која во второто коло ја победи 55-та светска тенисерка Јулија Путинцева од Казахстан.
Руската тенисерка Екатерина Александрова се пласираше во третото коло откако во второто коло ја победи 34-та светска тенисерка Ксиња Ван од Кина по два сета, 6-2, 6-2.
Мечот траеше еден час и четири минути.
Александрова, 12-та светска тенисерка, шест пати го брејкираше сервисот на кинеската тенисерка, додека Ван освои два брејка.
Александрова ќе игра против победничката од натпреварот помеѓу 52-рата тенисерка во светот, Лара Зигемунд, од Германија, и 90-тата тенисерка во светот, Анастасија Захарова, од Русија, во третото коло.
Во третото коло се пласираа и Бразилката Беатрис Хадад Маја, Чехинката Линда Носкова и Гркинката Марија Сакари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
