Силекс е последен полуфиналист во Купот: По пенали елиминирана Шкендија

Силекс е последниот полуфиналист во Купот на Македонија откако по изведувањето на пеналите славеше со 4-2 против Шкендија, на дуелот во Кратово кој во регуларниот дел заврши без голови.

Ристов, Костовски, Серафимовски и Карчевски беа стрелци на головите од пенал за Силекс, а кај Шкендија погодија Нафиу и Бруно Дита. Од белата точка за тетовци не реализираа Тотре и Бесарт Ибраими.

Претходно, во регуларниот дел од четвртфиналните пресметки пласман во полуфиналето обезбедија Македонија ЃП, Академија Пандев и Струга Трим Лум.

„Лавовите“ без никакви проблеми со убедлива игра и нова своја голеада триумфираа со 1-4 на гостувањето против Беласица во Струмица. Триумфот за составот на Жикица Тасевски го обезбедија Ермедин Адем со два погодоци, Андерсон Барбоса и Абдул Басит Калид.

Академија Пандев, пак, го елиминираше Шкупи со триумф од 2-1. Томовски во 36. минута ги доведе „пандевци“ во водство од 1-0. Во второто полувреме Шкупи израмни преку најдобриот стрелец Дарбо Дембо, но Томислав Илиев во 69. минута повторно носи предност за струмичани,

Нијаз Лена со гол од пенал во 53. минута донесе победа за Струга ТЛ во победата над Ренова.

КУП НА МАКЕДОНИЈА – 1/4-ФИНАЛЕ

Беласица – МАКЕДОНИЈА ЃП 1-4

СТРУГА ТЛ – Ренова 1-0

АКАДЕМИЈА ПАНДЕВ – Шкупи 2-1

Силекс – Шкендија (0-0) – по пенали: