Шпекулациите за можно враќање на Антоан Гризман во редовите на Атлетико Мадрид каде настапуваше од 2014 до 2019 година не запираат, а со оглед на финансиските проблеми на Барселона не би било чудо овој трансфер да се реализира.
На оваа тема говореше и тренерот на „јорганџиите“, Диего Симеоне кој вели дека неговиот однос со Французинот е одличен, а на Атлетико му треба напаѓач.
„Со него имаме сјаен однос кој е надвор од спортските рамки, нашите деца заедно играат. За се што даде за Атлетико сакам да успее во Барселона. Тој е феноменален играч и навистина сакам да игра како што играше за нас пет години или како што играше на Европските и Светските првенства. Во нашиот тим постојат позиции кои треба да ги пополниме. Потребен ни е напаѓач, но ако не дојде Гризман ќе дојде некој друг. Клубот ќе одлучи што е финансиски најисплатливо за нас“, вели Симеоне.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
