Тренерот на Атлетико Мадрид, Диего Симеоне зборуваше за инцидентот на дербито со Мадрид, кога навивачите на Атлетико го гаѓаа голманот на Реал, Тибо Куртоа по водечкиот гол на гостите.
Најжестоките навивачи на Атлетико го гаѓаа со запалки и со кеси полни со ѓубре чуварот на мрежата, по што судиите донесоа одлука играчите да се повлечат во соблекувалната додека не се смири тензијата. По 10 минути, повторно се вратија на терен и натпреварот продолжи. Истиот заврши 1-1.
„Клубот ќе ги донесе потребните одлуки против луѓето кои го направија инцидентот. Не ни требаат такви навивачи на трибините. Ни требаат луѓе кои го поддржуваат клубот. Но, не мислам дека вината е само нивна. Тие реагираа поради нешто што се случи на теренот. Мислам дека треба да има санкции за оној кој ги испровоцира. За мене мора да има санкции за провокаторот“, рече Симеоне.
Courtois is the reason why the Atleti fans are going crazy. He provokes the club that gave him everything and then wonders about their reactionpic.twitter.com/dQXBtRxy42
— Jan (@FutbolJan10) September 29, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
