Супердраматично беше синоќа на „Енфилд“, Ливерпул стигна до победа со голот на Ван Дајк во 92. минута, а гостинскиот тренер Диего Симеоне не можеше да се помири со поразот, па влезе во сериозен кофликт со домашните навивачи.
Големиот инцидент се случи веднаш по голот на Ван Дајк, бесниот Аргентинец се пожали дека му бил покажан среден прст од првите редови од трибините, по што тргна физички да се пресмета. За среќа, реагираа луѓето од обезбедувањето и беше спречен посериозен инцидент, а Симеоне заслужено доби директен црвен картон.
„Во период кога жестоко се бориме против расизмот, мислам дека треба исто така да се бориме и да нема вакви навреди од трибините. Се наоѓаме на место каде што немаме право да реагираме, да одговориме на навредите кон нас. Јас сум добар човек и ова денеска не требаше да се случи“, изјави Симеоне на прес-конференцијата по натпреварот.
More angles of Diego Simeone’s exchange with the Liverpool fans that led to his red card 🍿
📺 @tntsports & @discoveryplusUK pic.twitter.com/C3Ruz9tBvq
— Football on TNT Sports (@footballontnt) September 17, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
