Гилијан Симоне, синот на тренерот на Атлетико Мадрид, Диего Симеоне одигра извонреден натпревар против Виљадолид во 31. коло од Ла Лига на кој се запиша и во листата на стрелци покажувајќи фантастична техника во 27. минута од средбата.
Гилијан си собра симпатиите, доби и пофалби од сите страни за одличниот перформас, па мораше за него да говори и неговиот татко, но овој пат од улога на тренер.
„Не очекував дека ќе игра толку добро оваа сезона, и покрај тоа што очекував дека ќе ни помогне. Игра добра сезона и се надевам дека ќе го задржи нивото. Никој ништо не му поклонил и нема да му поклони. Тоа тој го знае, бидејќи ме познава подобро од било кој друг“, изјави Диего Симеоне.
Дваесетидвегодишниот фудбалер оваа сезона забележа пет голови и седум асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
