Македонската репрезентативка Симона Заборска го освои златниот медал на 14. Балканско првенство за сениори(к)и во категоријата до 55 килограми кое се одржа во Истанбул.
На шампионатот во дисциплините борби и кати во поединечна и екипна конкуренција, во конкуренција на 11 држави и 354 спортисти(к)и, македонските каратисти освоија еден златен и еден бронзен медал
Во финалната борба Симона Заборска ја совлада искусната црногорска репрезентативка Ана Драшковиќ со резултат 5-1 и успеа да го освои златниот медал и да стана балканска шампионка. На ова Балканско првенство Симона Заборска имаше трето по ред финале во сениорска конкуренција во истата тежинска категорија, и за првпат стигнувајќи до златото по претходните две сребрени медали.
Освојувањето на овој медал е во вистински момент поточно еден месец пред почетокот на Европското првенство за сениори(к)и, кое треба да с одржи во Нови Сад, Србија во месец мај.
Наташа Стефановска, исто така имаше одличен настап на ова првенство, таа за жал во полуфиналната борба со бугарската спортистка на 5 секунди до крај загуби поен и финалето кое беше на дофат. Во репасажната борба за медал Стефановски успеа да ја победи повеќекратната европска медалистка Јелена Максимовиќ од Црна Гора, и да го освои бронзениот медал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
