Американските гимнастичари предводени од неверојатната Симоне Бајлс го освоија златниот медал во екипна конкуренција на Светското првенство во Антверпен, Белгија. Американките победија со 167.729 поени пред Бразилките (165.530) и Французинките (164.064).
Американките седми пат по ред победија во екипна конкуренција на планетарниот шампионат, а Бајлс испиша историја освојувајќи го 20. златен медал на светските првенства. Таа постигна и рекорд по бројот на медали на Олимписките игри и светските првенства, со вкупно 33 медали, со што стана најдобра на сите времиња.
Бајлс, која пред десет години во Антверпен како 16-годишна го освои својот прв медал во кариерата, сега се изедначи со легендарната советска гимнастичарка Лариса Латинина по бројот на медали на Олимпијадата и Светскиот куп. Латинина сè уште го држи рекордот по бројот на олимписки медали, која освои дури 18 од нив.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
