Македонската фудбалска репрезентација веќе во огромна мера, сосема јасно, преку Лигата на нациите има обезбедено бараж за пласман на Светското првенство 2026 во САД, Канада и Мексико.
Секако, националниот тим предводен од Благоја Милевски како лидер и во регуларната квалификациската група, на три кола до крајот на квалификациите се уште е во битка и за првото место и директен пласман на Мундијалот.
Сепак, веќе е сосема извесно дека извонредниот настап во Лигата на нациите ја носи Македонија речиси со 75% во мундијалскиот бараж, па веќе се изработуваат и симулациите за можните противници на македонската селекција во двата бараж натпревари.
Интересно, Македонија, согласно симулациите, би можела во баражот повторно да се сретне со Италија како и во претходниот бараж за пласман на СП 2022, или пак со репрезентацијата на Турција која, исто така, беше наш можен противник и во баражот за претходниот Мундијал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
