Кошаркарите на Денвер на домашен терен го совладаа Шарлот со 129-115 и со тоа го забележаа деветтиот едноподруго триумф во НБА лигата. Најефикасен во тимот на Денвер беше Џамал Мареј со 34 поени, додека српскиот репрезентативец Никола Јокиќ забележа 29 поени, 17 скока и девет асистенции.
Српскиот центар шутираше 11/22 од поле, 6/14 од три и погоди еден од двата удари од белата точка за 37 минути на паркетот.
Нагетс изградија двоцифрено водство во првата четвртина, но Хорнетс го израмнија резултатот во третата четвртина., а потоа доминираа во четвртата за конечна победа.
За Денвер вреди да се издвои учинокот на Арон Гордон, кој додаде 18 поени и седум скока, додека Џулијан Стротер постигна 16 поени. Во тимот на Шарлот, за кој поради повреда не настапи Ламело Бол, најефикасен беше Мајлс Бриџис со 36 поени, 13 скока и седум асистенции. Џош Грин додаде 19 поени, Ник Смит Јуниор 16 поени, додека босанскиот центар Јусуф Нуркиќ за 19 минути игра запиша девет поени, 10 скока и седум асистенции.
Денвер е втор во Западната конференција со 37 победи и 19 порази, додека Шарлот го зазема претпоследното, 14. место на Истокот со скор 14-40.
Кошаркарите на ЛА Лејкерс остварија гостинска победа против Портланд од 102-110, откако успеаја да го надоместат заостанувањето од првото полувреме. Леброн Џејмс беше неверојатен со 40 поени и осум асистенции, носејќи го својот тим до победата, додека Остин Ривс додаде 32 поени. Лука Дончиќ го пропушти натпреварот поради повреда на листот на ногата.
Дени Авдија беше најдобар кај Портланд со 28 поени, а Тумани Камара додаде 19.
НБА РЕЗУЛТАТИ: Индијана – Мемфис 127-113, Њујорк – Чикаго 113-111, Милвоки – ЛА Клиперс 116-110, Денвер – Шарлот 129-115, Сан Антонио – Феникс 120-109.Филаделфија – Бостон 104-124, Атланта – Орландо 108-114, Бруклин – Кливленд 97-110 (пр.)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
