Синдикатот на фудбалерите во двете најсилни шпански конкуренции официјално го отфрли намалувањето на платите на играчите кое го нудат клубовите. Во официјално соопштение, синдикатот вели дека идејата на клуботите е неприфатлива.
„Многу е чудно што Лигата поддржува привремено суспендирање на договорите. Исто така е чудно што клубовите немаат фондови за да се заштитат во вакви ситуации кога треба да покријат два месеци. Првенството е суспендирано не е комплетно откажано. Нема да дозволиме да не ни бидат гарантирани работничките права“ – стои во соопштението од синдикатот.
Сепак клубовите не престануваат да прават интерни договори со играчките колективи за намалување на платите. Меѓу првите кои договорија помали плати за фудбалерите беше Барселона, а набрзо потоа договор имаше и во Атлетико Мадрид.
Во Шпанија има тројца македонски репрезентативци, Енис Барди во Леванте и Александар Трајковски во Мајорка во Ла Лига, а голот на Рајо Валјекано го брани Столе Димитриевски. Нивните клубови засега се немаат официјално изјаснето околу намалувањето на платите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
