Вториот тенисер во светот, Јаник Синер, призна дека поразот од Новак Ѓоковиќ бил болен, но дека се надева дека ќе му послужи како лекција.
Синер ги промаши сите осум брејк топки во петтиот сет, а Новак победи со 3:6, 6:3, 4:6, 6:4, 6:4 за четири часа и девет минути игра.
„Губењето многу боли. Ова е многу важен слем за мене. Се случува, беше добар натпревар од двете страни. Имав многу можности, но не ги искористив и ова е резултатот. Тој освои 24 грен слем титули. Се познаваме многу добро, како играме. Секогаш го велев тоа… Не ме изненади бидејќи тој е најдобриот играч со години. Секако, сега игра помалку турнири поради неговите години, но слем турнирите се важни за сите нас. Тоа е дополнителна мотивација, а тој играше извонредно. Се надевам дека ќе го сфатам ова како лекција, за да видам каде можам да се подобрам“, изјави Синер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
