Лионел Меси го освои светскиот шампионат со аргентинската репрезентација во Катар и го постигна најголемиот успех во својата богата кариера. Аргентина во финалето по изведување на пенали славеше над Франција, а за најдобар фудбалер на првенството беше избран токму Лео Меси.
Асот на Пари Сен Жермен на патот до титулата постави дури 12 поединечни рекорди, кои само потврдуваат дека е еден од најдобрите фудбалери на сите времиња.
СИТЕ РЕКОРДИ НА МЕСИ НА СП:
Најмногу настапи на Мундијалите – 26. Го надмина Лотар Матеус кој имаше 25
Најмногу асистенции на Мундијалите – 9. Го надмина Диего Марадона кој имаше осум
Единствен кој дал гол во секоја фаза од СП – Меси погоди во групи, осминафинале, четвртфинале, полуфинале и финале
Најмногу одиграни минути на СП – 2.314. Го престигна Паоло Малдини, кој имаше 2.217
Единствен кој запишал барем една асистенција на пет Мундијали по ред
Единствен аргентински фудбалер кој дал гол на четири Мундијали
Најмногу мечеви како капитен – 18
Најмногу учества во гол, со погодок или асистенција – 22. Има 13 гола и 9 асистенции на СП
Најмлад фудбалер кој има пет Светски првенства, роден е 24 јуни 1987
Најмногу освоени МВП признанија за играч на меч – 11 (42 отсто од бројот на одиграни мечеви).
Најмногу мечеви со гол и асистенција и најмногу на исто СП – вкупно 4, во Катар – 3. Истовремено е и најмлад и најстар фудбалер со гол и асистенција на мундијалски меч
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
