Манчестер сити успеа да ја продолжи победничката низа во Премиер – лигата, откако славеше со 2-1 на „Етихад“ против Саутемптон, и тоа во супер-драматична завршница. Рахим Стерлинг во шестата минута од судиското продолжение го постигна победничкиот гол.
Претходно, Де Бруин донесе водство во 47.минута, а Ориол Ромеу во 75.минута го израмни резултатот.
Ливерпул беше убедлив на гости против Стоук, победувајќи со 0-3. Садио Мане беше стрелец на првиот гол за „црвените“, а потоа Мохамед Салах во финишот уште два пати ја погоди мрежата на домаќините.
Вејн Руни со хет – трик тргна да спасува Евертон од опасната зона, а му се придружи со гол и Ешли Вилијамс за убедливи 4-0 против Вест Хем.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
