Манчестер Сити е последниот полуфиналист во ФА Купот на Англија откако „граѓаните“ по голема борба стигнаа до победа од 1-2 на незгодното гостување против Борнмут.
Мечот почна со промашен пенал на Ерлинг Халанд, по што казната стигна на спротивната страна кога Еванилсон ја затресе мрежата на гостинскиот тим. Пресудна беше измената на Пеп Гвардиола, кој на почетокот од второто полувреме го уфрли младиот О’Рајли на местото на Хусанов.О’Рајли му асистираше на Халанд при голот за 1-1, а откако Норвежанецот се повреди и мораше да биде заменет, токму Мармуш кој влезе на негово место го комплетираше пресвртот за 1-2, повторно на асистенција на О’Рајли.
Противник на „граѓаните“ во полуфиналето ќе биде Нотингем Форест, додека во втората полуфинална пресметка ќе се сретнат Астон Вила и Кристал Палас.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
