Англискиот премиерлигаш Манчестер сити и официијално го претстави своето прво засилување за следната сезона. Тоа е Бернардо Силва, играчот за врска на Монако и португалски репрезентативец, кој доаѓа на „Етихад“ за сума од 60 милиони фунти. Тој од 1 јули и официјално ќе стане нов „граѓанин“ и ќе го засили тимот на Пеп Гвардиола. Одличниот плејмејкер потпиша петгодишен договор со Манчестер сити и ќе го носи дресот со број „20“.
Бернардо Силва изминатава сезона одигра 51 натпревари во дресот на Монако, ја освои шампионската титула во Франција со овој клуб, постигна десет гоила и забележа 10 асистенции.
„Среќен сум што потпишав за еден од најмоќните клубови во светот. Кога дознав дека имам понуда од Пеп Гвардиола воопшто не размислував и го прифатив предизвикот. Ќе биде ова за мене голема можност, да се натпреварувам во Премиер – лигата. Верувам дека со мојот нов тим ќе имаме многу успеси“, изјави Бернардо Силва за официјалниот сајт на Манчестер сити.
.@BernardoCSilva on Pep, his time at Monaco and the prospect of playing with @21LVA. #WelcomeBernardo ? https://t.co/GzsnKMOGnz pic.twitter.com/Xf2y7E598z
— Manchester City (@ManCity) May 26, 2017
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
