Манчестер сити по неуспешната сезона, посакува засилувањата во играчкиот кадар да ги заврши уште пред настапот на Светското клупско првенство.
Се очекува првиот потврден трансфер да биде Тиџани Рејндерс. Холандскиот репрезентативец и играч од средниот ред на Милан импресионираше во Италија оваа сезона и покрај тоа што Милан заврши на осмото место. Тој беше прогласен за најдобар играч од средниот ред во Серија А, а Сити е сериозно заинтересиран да го доведе.
Се очекува дека овој договор би можел да го чини Сити околу 65 милиони евра.
„Рејндерс би донел нешто поинакво во Сити. Тој е играч од средниот ред со осум позиции, способен за дефанзивни задачи, но поефикасен како централен играч со способност за напад. Сезоната ја заврши и со 15 гола“, пишува „Манчестер Ивнинг“
Рејндерс ја започна својата кариера во Цволе, а играше и за младинскиот и сениорскиот тим на АЗ Алкмар, со краток престој во Валвијк. Тој е во Милан од 2023 година, каде што пристигна во трансфер вреден 20,5 милиони евра. Под договор е до 2030 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
