Ајакс со последниот потег покажува дека е вистински пример за тоа како работи и функционира еден клуб, па само неколку часа откако изби шпекулацијата за недоличен и срамен скандал во Амстердам, пристигна официјално соопштение за прекин на долгогодишната соработка.
Марк Овермарс од денеска веќе нема да ја извршува важната улога на спортски директор, бидејќи поранешниот холандски репрезентативец и актуелен архитект на последните успеси на тимот направил глупост од која нема враќање назад.
„Марк Овермарс веднаш го напушта клубот. Оваа одлука е донесена по разговорот на надзорниот одбор и претседателот на Упрвата, Едвин Ван Дер Сар. Причината за ваквата одлука е испраќањето на непримерни пораки на неколку колешки во подолг временски период“, гласи објавата на Ајакс, во кое има и извинување од Овермарс.
Овермарс по крајот на групната фаза во Лигата на шампионите стави потпис на нов договор со Ајакс до 2026-та година, но сето ова сега пропаѓа во вода откако се откри дека долго време психички ги малтретирал женските лица вработени во клубот со недолични вулгарни и срамни пораки.
„Засрамен сум. За жал, не сфатив дека ја минав границата, но изминативе денови ми стана јасно. Почувствував голем притисок и се извинувам. Недозволено е такво однесување за човек на мојата позиција и го сфаќам потегот на клубот. Сега е предоцна, не гледам друго освен да си одам. Оваа ситуација на големо влијае и на мојот личен живот и затоа ве молам да ме оставите мене и моето семејство на мир“, се вели во краткото соопштение на Овермарс.
Director of Football Affairs Marc Overmars will leave Ajax with immediate effect. He made this decision after discussions in recent days with the Supervisory Board and CEO Edwin van der Sar and communicated his intentions to them.
— AFC Ajax (@AFCAjax) February 6, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
