Во пресрет на завршницата на Европското првенство, хрватската репрезентација се соочи со контроверзна одлука на организаторите.
Наместо во градот домаќин Хернинг, каде се играат полуфиналните натпревари и финалето, Хрватите се сместени во Силкеборг, на околу 40 километри од арена Јиске банк боксен.
Додека Данска (домаќин), Германија и Исланд се сместени во Хернинг и уживаат во логистичка предност, хрватските ракометари ќе мораат секојдневно да патуваат до местото на натпреварите. Оваа одлука предизвика незадоволство во хрватскиот камп, а дел од медиумите и навивачите ја оценуваат како нефер третман кон еден од фаворитите за медали.
Полуфиналните дуели се играат на 30 јануари, а Хрватска отвора против Германија во меч од 17.45 часот. Поради сево ова селекторот на Хрватска, Дагур Сигурдсон одлучи да ја бојкотира официјалната прес-конференција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
