Италијанските медиуми пренесуваат за несекојдневен инцидент кој се случил во Лече. На клупската божиќна прослава некои играчи се опуштиле, а во центарот на вниманието бил францускиот дефанзивец Енди Пелмар.
24-годишниот фудбалер под дејство на алкохол седнел зад воланот. Во меѓувреме го сопрела и полиција, но Пелмар побегнал. Не за долго, затоа што веднаш бил фатен, и му била одземена возачката дозвола.
За инцидентот се огласи и неговиот клуб.
„Лече силно го осудува однесувањето на својот играч Енди Пелмар, бидејќи тоа не е во согласност со стандардите поставени од клубот. Во очекување на соодветна истрага, играчот е суспендиран од првиот тим. Како клуб го задржуваме правото за воведување на дополнителни мерки“, стои во соопштението.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
