Вардар забележа повеќе од значајна победа за бегство од последните две позиции на табелата во Првата македонска фудбалска лига триумфирајќи во 22. коло во скопската пресметка против Работнички со 1-0.
Струга ТЛ, пак, повторно се издвои на врвот од табелата пред Шкупи и Шкендија, откако ги искористи ремијата без голови на поранешните шампиони на гостувањата против Брегалница односно АП Брера.
Шкупи можеше да дојде и до победа во Штип но во првото полувремето Ристе Јанков во 28.минута успеа да му одбрани удар од белата точка на Арби Воша.
Херој во победата на Вардар е левокрилниот дефанзивец Дарко Глишиќ кој во 51. минута директно од корнер го изненади Алексовски што беше доволно за триумф од 1-0.
Воска Спорт, пак, ремизираше 1-1 со Гостивар. Охриѓани до предност дојдоа по извонредната акција која објективно ретко се гледа на македонските терени. Феноменално двојно проигрување на Јусуфи и Марушиќ, извонредно го завршува Јусуфи за водство на Воска спорт од 1-0…
Но, Гостивар дојде до бод благодарение на младиот талентиран Мухамед Елмас кој во 84. минута одлично погоди со шут од 15 метри за конечни 1-1.
Македонија ЃП и под водство на новиот тренер Бобан Грнчаров не успеа да дојде до бодови пролетва.
Шампионот Струга ТЛ славеше со 2-1 против „лавовите“. Најпрво во 13. минута по убавата акција по десната страна, капитенот Буњамин Шабани носи предност од 1-0 за Струга ТЛ.
Потоа, во 21. минута Марјан Радески погоди за 2-0, а гостите преку Алији во 49. минута кој постигна одличен гол успеаја само да намалат за конечни 2-1.
Тиквеш триумфираше со 1-0 против Силекс со голот на Бразилецот Робертињо Нето уште во 20. минута од средбата.
РЕЗУЛТАТИ – 22. КОЛО
Турново: АП БРЕРА – ШКЕНДИЈА 0-0
Скопје: ВАРДАР – РАБОТНИЧКИ 1-0
Глишиќ 56′
Охрид: ВОСКА СПОРТ – ГОСТИВАР 1-1
Јусуфи 24′ – Елмас 84′
Кавадарци: ТИКВЕШ – СИЛЕКС 1-0
Нето 20′
Струга: СТРУГА ТЛ – МАКЕДОНИЈА ЃП 2-1
Шабани 13′, Радески 21′ – Алији 49′
Штип: БРЕГАЛНИЦА – ШКУПИ 0-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
