Минатата недела во Скопје престојуваше Benoit Pincemaille, супревизор на Европската ветеранска федерација. Неговата посета беше со цел да изврши проценка дали Скопје и организациите ги исполнуваат условите за организација на Европското првенство во 2027 година.
По завршувањето на увидот, пристигна неговиот извештај во кој со највисоки оценки беа оценети условите и способноста на организаторите да го спроведат овој голем настан. Сега веќе е потврдено дека на Скопје ветерани МФФС му е доделена организација на поединечното Европско првенство во 2027 година од 6 до 9 мај во Спортскиот центар „Јане Сандански“. Се очекува првенството да собере околу 1.200 натпреварувачи од сите европски држави.
Натпреварувањето ќе се одржи во дисциплините меч, флорет и сабја, во машка и женска конкуренција.На досега одржаните првенства Македонија беше достойно претставувана од Александар Анастасов кој освојуваше 2 сребрени и 2 бронзени медали, и Зоран Стојановиќ, освојувач на еден бронзен медал. Анастасов воедно беше и светски првак во дисциплината сабја. За очекување е и следната година да се забележат значајни резултати.
Овој настан ќе ги стави Скопје и Македонија на европската мечувачка мапа. Во Скопје покрај натпреварувачите, ќе пристигнат и придружни членови кои, вообичаено, покрај мечувањето, сакаат да го искористат престојот и за уживање во локалните атракции.
М.М.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
