Одбојкарската репрезентација на Словенија се пласираше меѓу најдобрите четири екипи на Европското првенство откако во четвртфиналето славеше против Украина со 3-1.
Словенија подобро го отвори натпреварот и го доби првиот сет со 25-17, но Украинците не дозволија противникот да го наметне темпото. Вториот сет повторно им припадна на Словенците, но со 31-29 за во третиот сет Украина да намали на 2-1 добивајќи го со 21-25.
Сепак Словенците ги решија дилемите за првиот полуфиналист веќе во четвртиот сет со триумф од 25-23.
Словенија во полуфиналето го очекува подобриот од средбата помеѓу Полска и Србија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
