Репрезентацијата на Словенија имаше победничка увертира во пресрет на почетокот од ЕП 2018, откако избраниците на Веселин Вујовиќ вечерва славеа на последната контрола против селекијата на Србија со убедливи 33-25.
Слично како и на вчерашниот дуел, Словенците повторно стигнаа до победата благодарение на супериорна игра во второто полувреме, откако гостите од Србија по првите 30 минути имаа минимална предност од 14-15. Нашиот прв противник на претстојното ЕП во вториот дел заигра цврсто во одбраната, му дозволи на противникот само десет погодоци и заслужено се радуваше на победата.
Вујовиќ им даде шанса на сите ракометари, а најефикасни беа Јанц и Маргуч со по четири погодоци.
Дуелот меѓу Македонија и Словенија во првото коло од ЕП 2018 ќе се игра в сабота во „Арена“ во Загреб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
