Вториот дел од домашното футсал првенство ќе започне неколку дена подоцна од првично предвиденото. Поради лошите временски услови, комисијата за мал фудбал при Фудбалската федерација на Македонија денес одлучи да го пролонгира почетокот на пролетниот дел. Па така, возбудувањата од домашното првенство во футсал наместо на 21. јануари кога беше предвиден стартот на вториот дел, ќе започнат на 26. јануари.
Во првото коло од новата календарска година, актуелниот шампион КМФ Железарец ќе го нагости лидерот на табелата КМФ Велес. Вицешампионот Хедис ќе се пресмета со Ројал Илирет, Шкупи ќе гостува кај СЕЕУ Тетово, Рудник Саса ќе го пречека Јувентус Серава.
Во првиот дел од првенството, Велес заврши на првото место на табелата со 31 бод кој се должи на десет победи и едно реми. Шкупи е второпласиран со три бода помалку, но и еден натпревар помалку. Трет на табелата е СЕЕУ Тетово кој заостанува огромни 12 бода зад лидерот Велес. Последен на табелата е Рудник Саса со само четири освоени бодови кои се должат на една победа и едно реми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
